Ta’ kull sena, sa minn Awwissu tal-2015, jiġu offruti korsijiet prattiċi fil-kisba tal-Malti ta’ livell bażiku jew avvanzat, taħt il-gwida tal-għalliema esperjenzata Sandra Abela. Dawn il-klassijiet tal-lingwa huma miftuħa għal studenti interessati minn madwar id-dinja. Fil-fatt, il-korsijiet jattiraw parteċipanti mhux biss mill-Università ta’ Bremen u universitajiet oħra fil-Ġermanja iżda wkoll minn pajjiżi oħra, fosthom ir-Russja, l-Iżvezja, Spanja, ir-Renju Unit u l-Istati Uniti.